نثرت العمركله اعله مودك وانته ماحسيت
وفوكاها تكلي بيدك كلشي وانته ضيعته

وك آنة بمحبتك امقصر واحس ماوفيت
لان بس الكلب وية الروح الك سلمته

هيج انتة منقص وفه وماعندك ضمير
وآنه العمر وردي وبغدر منك التيهته

شبعت منك اشوف لوعات والصدمات
كافي اوياي هاذ حدك وحبي رجعته

ابشرك حبيت غيرك وانته وليت
لان مافاد حبك دوم الحسرة خانكته

وكفت اعلى الكّبر واضحك علو صوت
وكلت هاذ اجزاك واحد عايش وانة موتّتّه


واذا سالوني عنك افرح واكولن مات
لان انته بغدرتك حبك الودعته

مو آنه الجبرتك تصد عني ابعيد
ولا انة الجبرتك وحبك سحبته

لان دوم انصحك وابد ماخالف اوياك
مافاد الحجي اوياك كله النصحته

بعد ميفيد العتب لاتحجي وياي
ذنب سويتة بيدك وانتة الحملته

بــس رجــاءا لا تـــرد انـــوب
ولا تبجي اعلى مافاتك وهدمته

لان لو تنغفر يم بابي اذنوب
خليتك ببابي وترتجي سكته

بس خلص لهنا وانتهى المشوار
قطارك عبر خطه وراح وكته.

شاهد الموضوع الأصلي من هنا شعر شعبي عن الوفاء , نثرت العمر كله اعلى مودك وانت ماحسيت